網購屋仔後，hea了間屋，只係搵人做定planning permission，不過，搵定是對的。搵吾到搵，等一等，因為好忙wor, 而且我又唔急，12月底才出個permit。
又咁之前，暑假時趁一家人得閒，爸爸話做定個TB Test, 哦，做啦。佢話有咩風吹草動，可以即刻行動，我話得半年期，2月就exp wor。是但啦
12月，姐姐話佢老公想佢返菲律賓，停工休息，做到完約😱。同月，老爸入左醫院，醫生話聖誕都唔知。。。然後，好開心咁過到Xmas，仲調左去環境好一點的療養院。可惜，疫情一日一日封鎖，環境好但見得少😢
年三十，醫院突然話要去醫院見阿爸，其實之前狼來了很多次，但是今次真的發生了😭。多得狼來了多次，很有準備了。今日throw back, 原來不是壞事。在大爆疫前走，起碼安詳安樂地走。
半夜，即是年初一，決定申請吧。既然最記掛的，不用擔心了。慢慢填，慢慢交。好快，批左。
批左翌日，賣埋層樓。傷心地賣，唔賤但太平。
多得permit慢吞吞，無放租無借比朋友住，間屋又可正式開始裝修。
3月，等埋老闆返來就辭職，但佢3月回港都好渺茫，政府溶斷中。唔想zoom住resign, 但都要定個底線，就4/4啦！點都好，買定機票，$37k商務，一家四口，唔係唔買呀嘛。
突然曙光，兜兜轉轉，底線前回來。上天錫我到爆炸，收埋Bonus，又可以當面resign，感恩老闆一直待我好好，一定要好好的交待。
4月5月執執執，用Trans依間搬運寄40幾箱野，仲特登買張新按摩椅（OTO)。搞搞埋埋，6月中last day，剛好交樓，搬去service apartment。又執執執…一輪…
仲有3個星期，同少部分人farewell，因為唔想交待太多。前路茫茫，我都唔知下一步會點，都唔想交待咁多。
阿仔就索性退學，因為搬去酒店撞正考試週，專心考埋個3級琴試吧，其實都未係好ready，但都考左先，叫做有個紀錄。而學校就6月email申請定，waiting中，有間要waiting 10個位，我笑言要殺11個小朋友就有書讀。到3/7就話有書讀，真好彩！唔係好好評，但勝在10分鐘步程！
考車，經我千山萬水咁申請申請申請，終於比我考，但我Xyz&(5;::)7£:/3佢! 我7/7飛，5/7打電話來話可以6/7考但改另一個試場。我照考囉，最終，其實我覺得我揸得幾好，無踩線無超速，佢肥我話我轉彎唔夠好wor… 我真係會拜山去阿爺講個考官「蝦9我」，叫佢搵幫手盡早捉佢去見佢!!!
Anyway, 7/7飛… 執野執到最後一秒
都唔知漏咗咩喺酒店，連酒店鎖匙都拎埋上機
機場超重又執… 亂執…
最後留下60kg
補$4800，拎多廿幾kg
搭上土耳其航空…
中轉站又沒收了辛辛苦苦拎既玩具Nerf Guy
點都好，準時安全到達
搭上一早BOOK左既車，中間停一停Sainsbury's買些必需品。。。
依… 咁熱嘅?!
下回再開估REMOTE裝修左間咩屋。。。
